ഒരു മാട്രിമോണി കഥ

ഒരു ഓഗസ്റ്റ്‌ മാസം...തിരുമാന്ധാംകുന്നു ക്ഷേത്രത്തില്‍ മംഗല്യ പൂജക്കായി വന്നിരുന്ന നൂറോളം കന്യകമാരില്‍ ഒരുവളായി ഞാനും ഗണപതിയുടെ മുന്‍പില്‍ തൊഴുകൈയോടെ നിന്നു. വിവാഹത്തിന്‍റെ ആദ്യ പടി എന്ന് പറയാവുന്ന ആ ദിവസത്തില്‍  അങ്ങനെ കൈകൂപ്പി നില്‍ക്കുമ്പോള്‍ എന്‍റെ മകള്‍ക്ക് നല്ലൊരു ആലോചന വരനെ കൊടുക്കണേ ഈശ്വരാ എന്ന് അമ്മ പ്രാര്‍ഥിച്ചു കാണണം. അടുത്ത വര്‍ഷ൦ ഇതേ ദിവസം ഇവിടെ വരുമ്പോള്‍ എന്തെങ്കിലും ഒരു മാറ്റം ജീവിതത്തില്‍ ഉണ്ടാവും എന്ന് ഞാന്‍ കരുതിയിരുന്നോ? അറിയില്ല. . . ഞാന്‍ പ്രാര്‍ഥിക്കുക മാത്രം ചെയ്തു ആര്‍ക്കു വേണ്ടിയെന്നോ എന്തിനു വേണ്ടിയെന്നോ അറിയാതെ

2 മാസങ്ങള്‍ക് ശേഷം വിവാഹ പരസ്യം രജിസ്റ്റര്‍ ചെയ്യാനായി മാട്രിമോണി ഓഫീസിലേക്ക്. ആദ്യമൊക്കെ ഒരു തര൦ കോമഡി ആയിരുന്നു. ഫുള്‍സ്കാപ്‌ ഫോട്ടോ എടുപ്പ്, പ്രൊഫൈല്‍ മോടി പിടിപ്പിക്കല്‍,  ഭാവി വരനെ കുറിച്ചുള്ള കാഴ്ചപാടുകള്‍, മൊത്തത്തില്‍ എന്നെ കുറിച്ചുള്ള ഒരു BROCHURE രചന. പെണ്ണ് കാണല്‍ പരിപാടി ഒക്കെ വളരെ ചീപ് ആണെന്ന് അമ്മയോട് പറയാറുണ്ടായിരുന്നു. മാട്രിമോണിയില്‍ പ്രൊഫൈല്‍ ഇട്ടതോടെ പിന്നെ സോഷ്യല്‍ നെറ്റ്വര്‍കിംഗ് സൈറ്റ്‌സിനോടുള്ള താല്‍പ്പര്യം കുറഞ്ഞു. ഒരു ഓണ്‍ലൈന്‍ വായിനോക്കല്‍ പ്ലാട്ഫോം ആണല്ലോ മാട്രിമോണി. എന്തായാലും കുറെ എണ്ണം ആദ്യത്തെ 2-3 ദിവസത്തില്‍ തന്നെ വന്നു...കുറെ പുതിയ മുഖങ്ങള്‍, പുതിയ പേരുകള്‍, വിവിധ ആങ്കിളില്‍ ഉള്ള ജെന്റില്‍ മാന്‍ സ്നാപ്പ്സ്‌ ഒക്കെ നോക്കി വെറുതെ സ്ക്രോള്‍ ചെയ്തു ടൈം പാസ്സ് പോലെ കൊണ്ട് നടന്നു

പിന്നെ പിന്നെ അമ്മയുടെം അച്ഛന്ടെം നിര്‍ബന്ധം കൂടി വന്നപ്പോള്‍ ലേശം ഗൌരവമായി കണ്ടു തുടങ്ങി. കുടുംബം, ജോലി, സ്വഭാവം, നാള്‍, പക്കം ഒക്കെ നോക്കി ഫില്‍റ്റര്‍ ചെയ്തു ഫില്‍റ്റര്‍ ചെയ്തു മാട്രിമോണി കാണുന്നത് വെറുത്തു തുടങ്ങി. ആയിടെയാണ് ഒരു പ്രൊഫൈല്‍ കാണുന്നത്. ഞാന്‍ പഠിച്ച കോളേജ്, ഞാന്‍ പോകാന്‍ ആഗ്രഹിക്കുന്ന സ്ഥലം ആണ്  സ്വദേശം, കാണാനും തരക്കേടില്ല.

'അമ്മേ ഇതാ ഇയാള് കൊള്ളാം, എനിക്കിത് മതി'

പിന്നെ എല്ലാം പെട്ടെന്ന് ആയിരുന്നു, മാട്രിമോണിയില്‍ നിന്നും നമ്പര്‍ കിട്ടുന്നു, അച്ഛന്‍ അങ്ങോട്ട്‌ വിളിക്കുന്നു. അവിടുന്ന് അച്ഛനും അമ്മയും അനിയന്മാരും  കാണാന്‍ വരുന്നു, അവര്‍ക്കിഷ്ടമാവുന്നു. ഇനി കുട്ടികള്‍ തമ്മില്‍ കാണട്ടെ എന്ന് തീരുമാനം. വേണം ആര്‍ക്ക് വേണ്ടെങ്കിലും എനിക്കു കാണണം!

ഒരു ദിവസം ഫേസ്ബുക്കില്‍ ഫേസ് തപ്പി നടക്കുമ്പോള്‍ ആണ് ഒരു ഫ്രണ്ട് റിക്വസ്റ്റ്. .അതെ ശ്രീഹരി തന്നെ. . .രണ്ടോ മൂന്നോ മ്യൂച്വല്‍ ഫ്രെണ്ട്സ് ഉണ്ടെങ്കില്‍ ആരെയും ധൈര്യമായി ആട് ചെയ്യുന്ന എനിക്ക് ഇവിടെ പതറി. അമ്മയോട് അനുമതി ചോദിച്ചിട് വേണ്ടി വന്നു അത് കണ്‍ഫേം ചെയ്യാന്‍. അപ്പോഴും ഒരു hi പറയാന്‍ ഉള്ള ധൈര്യം ഉണ്ടായിരുന്നില്ല. ആ പച്ച ലൈറ്റ്‌ എന്റെ സ്വൈര്യം കെടുത്തികൊണ്ടേ ഇരുന്നു. 

ഒരു ദിവസം!,

hi

hi :)

ariyumo?

2-3 days aayittu ariyam :)

good answer

:)

ഒരു സ്റ്റാര്‍ട്ടിംഗ് ട്രബിളില്‍ മാത്രം തടഞ്ഞു നിന്ന ആ സംസാരങ്ങള്‍ അങ്ങനെ തുടങ്ങി. കുശാലാന്വേഷണങ്ങല്‍ക്കപ്പുറ൦ ഇഷ്ട്ടങ്ങളിലെക്കും പരിഭവങ്ങളിലെക്കും പിണക്കങ്ങളിലെക്കും ഞങ്ങളുടെ സംസാരങ്ങള്‍ കടന്നു ചെന്നു. അങ്ങനെ അങ്ങനെ..എന്തോ ഇന്നേ വരെ ഒരാളോടും തോന്നാത്ത ഒരു അടുപ്പം എനിക്ക് ഹരിയോട് തോന്നി തുടങ്ങി 

ഒരു ദിവസം ഞാന്‍ ചോദിച്ചു

what if you din like me after seeing??? 

"you are going to be with me "

പെണ്ണ് കാണല്‍ ചടങ്ങ്‌ പിന്നെയും ബാക്കി ആയിരുന്നു. ഏപ്രില്‍ മാസത്തില്‍ ഹരി വരും എന്ന് പറഞ്ഞ ദിവസം വിഷുവിന്‍റെ തലേന്ന് ഞങ്ങള്‍ ഗുരുവായൂര്‍ പോയി കണി കാണണം എന്ന് വിചാരിചിരിക്കുക ആയിരുന്നു. അപ്പോള്‍ ആണ് ആ ആശയം ഉരിതിരിഞ്ഞു വന്നത്. എന്തുകൊണ്ട് പെണ്ണ് കാണല്‍ ഗുരുവായൂര്‍ വച്ച് ആയികൂട. മുഷിഞ്ഞ ചായ കൊടുക്കല്‍ പരിപാടിയില്‍ നിന്നു രക്ഷപെട്ടല്ലോ എന്നോര്‍ത്ത് ഞാനും സന്തോഷിച്ചു. അങ്ങനെ ഗുരുവായൂരില്‍ കണ്ണന്‍റെ മുന്‍പില്‍ കൊടിമരത്തിന്‍റെ അടിയില്‍ വെച്ച് ആദ്യമായി ഞങ്ങള്‍ കണ്ടു!! ക്ഷേത്രത്തിനു ചുറ്റും നടന്നു സംസാരിച്ചു!

'എന്നെ ഇഷ്ടകുറവൊന്നും ഇല്ലല്ലോ അല്ലെ?'

'ഇല്ല'

'ഇനിയിപ്പോ നമ്മുടെ കഥയും തനിക്ക് എഴുതാമല്ലോ'

'ഉം'

കല്യാണം തീരുമാനം ആയാല്‍ ഉള്ള ഫേസ്ബുക്ക്‌ ട്രെന്‍ഡ് ഞാനും ഒഴിവാക്കിയില്ല. "in a relationship" എന്നാക്കി. ലൈകും കമ്മന്റും കണ്ടു ഞാന്‍ സന്തോഷിച്ചു .

കൂട്ടുകാരുടെ അന്വേഷണം 

'ആരാണ് കക്ഷി?'

this is the guy!!!

ഓരോത്തര്‍ക്കും ഓരോ അഭിപ്രായം

cool,he is smart!!

nice guy ;)

what did u find in him  neelu??

i did not like his looks

neelu you ill be happy with him :)

പിന്നെ ഒരാഴ്ച്ചക്കുള്ളില്‍ തീയതികള്‍ നിശ്ചയിചു

പച്ച ലൈറ്റ് കത്തുന്ന ചാറ്റ് ബോക്സില്‍ നിന്ന് 'എന്നോമാലെ എന് ശ്വാസമേ' എന്നാ റിംഗ് ടോനിലേക്ക്..

4 ദിവസം മുന്‍പ് വിവാഹ നിശ്ചയം കഴിഞ്ഞു തിരുമാന്ധാംകുന്നില്‍ രണ്ടാമത്തെ മംഗല്യ പൂജയും കഴിഞ്ഞു ഇനി അടുത്ത വര്ഷം ഓഗസ്റ്റ്‌ മാസത്തില്‍ മൂന്നാം പൂജക്കായി രണ്ടു പേരും ഒന്നിച്ചു! 

ഒരു നവംബറില്‍ തുടങ്ങി അടുത്ത നവംബര്‍ വരെ ഒരു വര്‍ഷം! ഈ കാലയളവില്‍ ഞങ്ങള്‍ പ്രണയിച്ചോ എന്ന് ചോദിച്ചാല്‍ ഇല്ല എന്ന് പറയാന്‍ പറ്റില്ല. അതുകൊണ്ടാകാം there is a love story in every arranged marriage :) എന്ന് പറയുന്നത്

ഫേസ്ബുക്ക്‌ സ്റ്റാറ്റസ് engaged എന്നാക്കി. ലൈകും കമ്മന്റും പ്രവഹിച്ചു. സന്തോഷം. ഇനി married എന്നാക്കുമ്പോ നാലാള്‍ ആരിയുന്നു ഈ കുട്ടിയുടെ കല്യാണം കഴിഞ്ഞു എന്ന്. . . .കല്യാണവും പ്രണയവും ഒരു മൗസ് ക്ലിക്കില്‍ ലോകത്തെ അറിയിക്കുന്നു. ടെക്നോളജി ഒരുപാട് മുന്നേറിയ പോലെ.

ശുഭം

**********************************